Meer Taqi Meer Biography in Urdu || Mera InthKhab

Meer Taqi Meer Urdu Shayari k sartaaj hain unki shayari ka hussan aalamgeer hai, uski apeel affaaki hai. Mir Taqi Mir ki ghazals saada, mgr purdard aor purkhaloos insaani jazbaat ki akassi hai. Meer Taqi Meer ki barjastagi unko har daor ka shayar saabat karti hai. Mir k ashaar saada magr dill ki gehrayion mein utar jany wali kaifiat k haamil hain. Agrechy mir taqi mir nay apni aab beeti ko shayari ki zubaan di hai mgr kamaal ki baat to yeh hai k Meer ki yeh aab beeti jagg beeti, ban kar hamari, apki aor sabb ki dilli kaifiat ki tarjumaan ban jati hai, Yehin sy unki shayari affaak wusaaton ki haamil banti hai.

Meer Taqi Meer ki azmat ka aitraaf na sirf un k moasreen balkey mutakhreen bhe unki tareef rutb ul lassaan hain. Mir Taqi Mir k apny zamany mein unki ghazals logg apny sath ba- tor soghaat lay k jaya karty thy. Meer Taqi Meer ki yeh maqbooliat aaj bhee qayim hai or yehi Mir ki azmat hai. Meer ny apny moasir siyassi, smaaji, aor iqtasadi, badhaali ka naksha bhee intehayi dard angez andaz mein biyaan kiya hai. Aor yahan sy yeh andaaza kiya ja sakta hai k unki nazar na sirf apny gham-o-alam par thi woh mohasiry halaat or roohey assar sy bhee agaah or waqif thy. Iss sy Mir Taqi Mir ki shayari ki tareekhi aor siyassi ehmiyat ka andaaza bhee ba-khoobi kiya ja sakta hai.

Meer-Taqi-Meer-Biography-in-Urdu-Mera-InthKhab

Meer Taqi Meer Ki Halat Zindagi in Urdu

Ab iss section mein ham baat karen gy meer taqi meer ki halat zindagi k baary mein. Mir Muhammad Taqi unka poora naam tha aor meer takhalluss kiya karty thy. Mir k abao ajdaad ba silsla talaash moash hijaz sy chaley thy pehly dakkan or phir Ahmadabad (گجرات ) kiyaam kiya. bad mein mustaqabil taor par Aagraw (اکبرآباد) mein muqeem ho gaye. Mir Taqi k grandfather (دادا) yehin fojdaar (Army) k munsib par mutyin (فائز) thy. 1723ad mein  aagraw mein Meer Taqi Meer ki paidayesh hui.

Mir Taqi Mir k walid (باپ) ka naam Ali Mutaqi (علی متقی) Tha. Woh ek majzoob aor darvesh saff insan thy. Mir Taqi Mir ny apni kitaab (زکر میر) mein barhy ehtraam or aqeedat k sath apny walid (Father) ka zikar kiya hai. Meer Taqi Meer Ibtadayi (ابتدائی تعلیم و تربیت) Un k munh boley chacha (Uncle) Syed Amman Ullah ki zery nigrani hui (زیر نگرانی). Syed Amaan Ullah Mir Taqi Mir ko apni Ulaad ki tarha chahty thy. Woh Meer ko har waqt apny saath rakhty or jahan jatey thy sath lay jatey thy. Meer Taqi ki Umar 10 saal hui to unk chacha Syed Amaan Ullah Wafaat pa gaye. Yeh sadma mir taqi mir k liye bohat gehra tha. Iss k theek kuch do saal k baad meer taqi meer k walid (والد) bhee chal bassey. Ab Mir taqi mir bilkul be-yaaro madadgaar reh gaye thy. Kuch arssa to apny soteley (Step Brother) k pass to rahy mgr. Lakin uss ki ziadtiyon nay meer taqi meer ko dar badar kar diya.

Mir Taqi Mir k bhai ny unka jeena dushwaar kar diya thaa akhir kaar talashy rozgar mein Meer Akbarabaad sy nikly or saffar karty karty Delhi pounchy. Yahan bhee badbakhti Mir Taqi Mir Ki taakh mein thi. Bekaari or be-rozgaari nay meer ki zindagi mushkal kar di thi. Magr chand ek Nawab saab k pass 1 rupiya mahana wazeefa muqarar ho gya. Nadar Shahi yalghaar mein nawaab saab mary gaye or Mir Taqi Mir phir sy ek baar be-sahar ho gaye.  Chunachy Aagraw (آگرہ) Wapis aa jany mein he aafiyat jani or wapis aa gaye. Yahan un k sotey bhai (Step Brother) Hafiz Muhammad Hassan k salook ki wajha sy yeh shehar chornay par majboor ho gaye.

Chunachy Mir Taqi Mir dubara Dehli aye or apny sotely Momoo (Step Uncle) (Saraj o Din Ali Khan Arzoo) k haan qiyaam kiya. Mgr Sotely Bhai nay (سوتیلے بھائی) yahan bhee na thehrny dia aor Saraj o Din Arzoo ki ziadtiyon aor badsalooki ki wajha sy Meer Taqi Meer ko yahan sy bhee niklna parha. Agrechy iss arssy mein Mir Taqi Mir nay Arzoo ki sohbat sy kaafi faiz uthaya. yehi woh zamana hai jab Meer Taqi Meer par Janoon aor Pagalpan k Dory parhty rahy.  Bohat Illaaj karwaya mgr forri afaka na hua. Akhir kaar yeh janoon kam hua aor meer taqi meer ek Normal zindagi guzarny lagy.
 
Iss Tarha Mir Taqi Mir sakoon ki zindagi bassr karny lagy. Kuch he arssa guzra thaa k Meer taqi meer nawab saab sy kisi baat par naraz ho gaye or khana nasheen ho gaye. Mir taqi mir ka akhri zamana bhee barhi mushkal or pareshaniyon mein guzra. Akhir 3 saalon mein meer taqi meer ko py dar py sadmy brdasht karny parhy.

Mir Taqi Mir Daughter Death

Pehly to mir taqi mir ki baiti ki death hui or phir us k baad meer taqi meer ki wife ki death ho gyi iss haadsy nay mir taqi mir ki qamar tor di. Chunachy issi pareshan haali mein Mir Taqi Mir 1810ad mein lakhnow mein wafaat paa gaye.